Ákesiniń jumysyna baılanysty Alıhannyń otbasy aýyldan qalaǵa kóshedi. Alıhan aýylda óz dostarynyń arasynda bedeldi, ári túrli ıdeıany bastaý etip alatyn kóshbasshylyq qabileti basym boldy. Únemi jan-jaǵyna qol ushyn berip, aýyl qarttaryna kómektesip, kóptiń alǵysyna bólengen edi.
Qalaǵa kóship kelgeli jalǵyz ózi ishi pysyp, az ýaqytta jan-jaǵyn baqylaýǵa kirisedi. Aýladaǵy qoqystardy tazarta bastaıdy, úlkenderge kómektesip aýla sypyrady, qoqys jáshigindegi otty sóndirip, ózine alǵashqy dos tabady. Osylaısha dostar jınap, olarmen óte tatý bolyp, úı astyndaǵy jertóleden ózderine shtab jasaıdy, «Aýla saqshylary» komandasyn quraıdy. Aýla máselelerine aralasa bastaıdy. Osy kezde páter ıeleri kooperatıviniń basshysy balalardyń jasaǵan jumystaryn óz paıdasyna jaratpaq bolady. Balalar aýladaǵy úısiz júrgen qart adamdy qalypqa keltirip, óz komandalaryna qosady. Alaıda qart kisiniń páterin PIK basshysy birneshe jyl buryn tartyp alǵany belgili bolady. Komandanyń jumysy qıyndaı túsedi. Osylaısha úlkender sheshetin suraqtarǵa da tap bolady.
Alıhannyń aty búkil qalaǵa tanylyp, komanda músheleri kóbeıip, ár aýlaǵa úlgi bolady. PIK basshysynyń áreketin aıqyndap, aqyrynda qartqa da kómektesedi.
Balalardyń aýlasy qala boıynsha tanymal bola bastaıdy.
Osylaısha kóptegen máselelerge aralasatyn aýyl saqshylary óz bastamalaryn elimizdiń basqa da qalalaryna chellendj retinde jarıalaıdy.
Búgingi kúngi osynaý máseleni kıno sújeti retinde alǵan bas prodúser Muratáli Ospanbaı men rejıser Medet İlgedaevtyń «Aýla saqshylary» kıno jobasyn 2 mamyrdan bastap kóre alasyzdar.