Almatyda Aýǵanstan ónimderiniń kórmesi uıymdastyryldy.
Aýǵanstandyq zergerlik buıymdar – bul ejelgi ónerdiń úlgisi, onda sheberlik, dástúr men halyqtyń mádenıeti astasady. Búginde aýǵan zergerleri óz ata-babalarynyń rýhymen jumys istep, álemniń túkpir-túkpirinde adamdardyń júregin jaýlaıtyn áshekeılerdi jasaıdy.
Negizgi materıaldar – altyn, kúmis jáne mys. Aýǵan zergerleriniń aıryqsha ereksheligi – el aýmaǵynda óndiriletin tabıǵı asyl tastardy qoldaný. Badahshan provınsıasynan alynǵan lazýrıt álemdegi eń jaqsy dep sanalady. Al Aýǵan ızýmrýdtary men rýbınderi óziniń tazalyǵy jáne túsiniń qanyqtylyǵymen tanymal. Kóptegen áshekeı buıymdar qolmen jasalady, jáne árbir zerger buıymnyń kúrdeliligine baılanysty bir aıdan birneshe aıǵa deıin ýaqyt jumsaıdy.
Aýǵanstan jyl saıyn shamamen 10 tonna zergerlik buıymdar shyǵarady. Onyń basym bóligi eksporttalady. Negizgi naryqtar – Taıaý Shyǵys, Eýropa, AQSH jáne Qytaı elderi. 2023 jyly zergerlik buıymdardyń eksporty shamamen 120 mıllıon AQSH dollaryn qurady. Bul biregeı aýǵan tastarymen bezendirilgen qolóner buıymdaryna degen suranystyń artyp kele jatqanyn kórsetedi. Kórmede lápıs-lazýr, týrmalın, nefrıt, gagat, sapfır, zýmrýt jáne basqa da baǵaly jáne jartylaı baǵaly tastardan jasalǵan áshekeıler usynyldy.
«Qazaqstan men Aýǵanstan arasynda saýda-sattyq artyp keledi. Kórmede qolóner jáne zergerlik buıymy, kilem, kókónis pen jemister, qurylys materıaldary, bylǵary ónimderi qoıylǵan. Almatyǵa 150 bıznes qoǵamynyń ókilderi keldi. Bul bıznes saýdanyń damýyna joǵary qyzyǵýshylyq pen nyǵaıtýdyń joǵary deńgeıin kórsetedi , – dedi QR Premer-mınıstriniń orynbasary Serik JUMANǴARIN.
Eki el arasyndaǵy saýda-sattyq, kásip salasy jandaný ústinde. Bul jaıynda Qazaqstan saýda palatasynyń aımaqtyq ókili Arman ESENTAEV sóz sóıledi.
«Eki jaqty saýda yntymaqtastyqty damytýǵa úles qosyp, saýda-sattyqty damytyp, eki el arasyndaǵy áleýmettik, mádenı yqpaldastyqty arttyryp keledi. Qos tarap ta bıznes qarym-qatynasyna belsendi atsalysyp jatyr, – dedi ol.
Sonymen qatar saýda yntymaqtastyqty odan ári damytý baǵytynda oı aıtyldy.
«Bul kórmeniń mán-maǵynasy zor. Óz kezeginde elderimiz arasyndaǵy saýda qatynastarynyń odan ary qarqyn alýyna paıdasyn tıgizedi. Sondaı-aq jeke sektordyń órkendeýine múmkindik beredi», – dedi Aýǵanstan bıznes ókili Nurahmat Nýrı.
