Áýezov aýdanynda buryn jaryq jelileri men tirekteri múldem bolmaǵan 81 aýmaqta syrtqy jaryqtandyrý júıesin ornatý boıynsha aýqymdy joba aıaqtaldy. Bul týraly Óńirlik komýnıkasıalar qyzmetindegi brıfıńte aýdan ákimi Abzal Egemberdıev habarlady.
Aýdan ákimdiginiń málimetinshe, bul jobany iske asyrý turǵyndardyń qaýipsizdigin arttyryp, jaıly jaǵdaı jasaý úshin qolǵa alynǵan mańyzdy qadam boldy. Kóp jyldan beri qarańǵy bolyp kelgen aýlalar men kóshelerge alǵash ret jaryq berilip, aýdannyń keshki ýaqyttaǵy kelbeti edáýir ózgergen.
Jumysty merdiger uıym — «RKR Group and Co» JSHS atqardy. Barlyǵy qýat únemdeıtin 828 sham ornatyldy, onyń 507-i kóshe shamy, 321-i torsherlik sham. Jańa jeliniń uzyndyǵy 15 shaqyrymnan asyp tústi.
Aýdan ákiminiń aıtýynsha, qazir jumystyń kóbi bitip, merdiger uıym usaq kemshilikterdi joıyp, jabdyqtardyń jumys isteýin tekserip jatyr.
Úlken kóshelerdiń jaryqtandyrylýyna erekshe nazar aýdaryldy, sebebi jaıaý júrginshiler jolynyń keı bólikterinde áli de jaryq jetkiliksizdeý bolyp tur. Saıyn, Abaı, Momyshuly, Tóle bı, Jandosov pen Raıymbek dańǵyly ol. Bular túgel jaryqtandyrylady, jumystar qalalyq Qoǵamdyq keńistikterdidamytý basqarmasynyń «qasbetten qasbetke deıin» qaǵıdaty boıynsha júzege asyratyn jobalary aıasynda júrgizilmek.
«Atalǵan kóshelerde 203 shamy bar kronshteın ornatyldy, bul jaıaý júrginshilerdiń qaýipsizdiginqamtamasyz etýge múmkindik berdi», - dedi.
Osy sharýalardyń arqasynda aýdan jaryq ári qaýipsiz bola túsken.