Atyraýda tanymal bloger áleýmettik jelide ózine qatysty bolǵan sumdyq oqıǵa týraly aıtyp berdi, - dep habarlaıdy Aqshamnews.kz tilshisi.
İstiń mán-jaıy
Blogerdiń aıtýynsha, ol Ystambulǵa arnalǵan týrdy jarnamalaýǵa kelisip, ózi de 100 myń teńge aldyn ala tólegen. Biraq týr júzege aspaǵan. Aqshasyn qaıtarýdy suraǵanda, uıymdastyrýshylar tarapynan qorqytý men qysym bastalǵan.
Blogerdiń sózinshe, 3 qazanda týrdy uıymdastyrǵan qyz jáne onyń qurbysy ony ańdyp júrip, "sóılesemiz" dep kólikke otyrǵyzǵan. Keıin olar zırat mańyna aparyp, soqqyǵa jyqqan.
Polısıa ne deıdi?
Atyraý oblystyq polısıa departamentiniń málimetinshe, 25 jastaǵy turǵyn 4 qazanda polısıaǵa aryz túsirip, tanystary uryp-soqqanyn habarlaǵan.
"Bul derek boıynsha qylmystyq is qozǵaldy. Kúdiktiler anyqtalyp, ustaldy. Tergeý júrip jatyr: beınebaqylaý jazbalary alyndy, kýágerlerden jaýap alynyp jatyr, bettestirý sharalary júrgizildi. İstiń tergeý barysy meniń jeke baqylaýymda", – dedi Atyraý oblystyq PD bastyǵy.