MAGATE-niń saıasatty tekserý jáne qaýipsizdik bólimi eks-basshysy Tarık Raýftyń pikirinshe, aldaǵy 40 jylda atomdyq energetıka turaqty damýdy kózdegen memleketter úshin mańyzdy ról atqarady. Qazaqstan da bul maqsattan tys qalmaıdy, sebebi zıandy shyǵaryndylardy azaıtý — bizdiń basty mindetimiz. BUU málimeti boıynsha, osyndaı mindettemelerdi 60-tan astam memleket moınyna alǵan.
Tarık Raýf: "Energıa kózderiniń birneshe túriniń qospasyna ıe bolý árdaıym jaqsy. Qazirgi tańda kóptegen elder elektr energıasyn óndirýde sýdy paıdalanady. Munaı men gazdan bas tartyp, atomdyq energıany engizip, jańartylatyn kózderdi damytýǵa bolady. Sondyqtan atomdyq energıa aldaǵy 40-50 jylda mańyzdy ról atqaratyn bolady. Bul turaqty damýǵa, SO2 shyǵaryndylaryn azaıtýǵa kómektesedi. Atomdyq energıasyz turaqty damý maqsattaryna jetý, kómirqyshqyl gazy shyǵaryndylaryn tómendetý múmkin emes."