"Astana-Arena" sport kesheni men "Alaý" muz saraıynyń arasyndaǵy aty joq kóshe saıahatshy Marko Polonyń esimimen atalady. Sondaı-aq elordadaǵy taǵy eki kóshege jańa ataý beriledi, - dep habarlaıdy aqshamnews.kz tilshisi.
Bul sheshim búgin elorda máslıhatynyń sesıasynda qabyldandy. Tıisti usynystardy Astananyń Tilderdi damytý jáne muraǵat isi basqarmasynyń basshysy Sáken Esirkep usyndy.
"Qyrkúıekte, Italıa prezıdenti elimizge resmı saparmen kelgen bolatyn. Sol kezdesý barysynda Memleket basshysy Astanadaǵy ortalyq kóshelerdiń birine Marko Polonyń atyn berýdi tapsyrǵan edi", – dedi ol.
Kóshe Turan jáne Qabanbaı batyr dańǵyldaryn jalǵaıtyn aýmaqta ornalasqan.
vıdeo kadry
Budan bólek, Astanada taǵy eki kóshege ataý berý usynyldy:
- jobalyq ataýy E15 kóshesine – Muhammed Álı Djınna;
- jobalyq ataýy E754 kóshesine – Sofıa ataýy berilmek.
Anyqtama:
Muhammed Álı Djınna – musylman saıasatker, Pákistanda ulttyq memlekettiliktiń negizin qalaýshy retinde qurmetteledi.
Sofıa – Bolgarıanyń astanasy jáne eń iri qalasy.