«Saryarqa» saýda, oıyn-saýyq ortalyǵynda eskalator kenetten qatty júrip ketken.
Astanadaǵy «Saryarqa» saýda, oıyn-saýyq ortalyǵynda eskalator kenetten qatty júrip ketip, saldarynan eki eresek jáne bir bala zardap shekti. Bolǵan oqıǵany Tótenshe jaǵdaılar mınıstrliginiń resmı ókili Rýslan Imanqulov rastady, dep habarlaıdy Almaty-akshamy.kz.
«Esil aýdany, Turan dańǵyly, 24 mekenjaıyndaǵy «Saryarqa» SOO-da aldyn ala málimet boıynsha, eskalator 3-qabattan 2-qabatqa kenet qatty túsken. Ol ýaqytta eskalatorda 20-ǵa jýyq adam bolǵan.
Aldyn ala aqparatqa sáıkes, tómenge qatty túsýden eki eresek jáne bir bala azdaǵan dene jaraqatyn aldy», - dedi R.Imanqulov.
Resmı ókildiń aıtýynsha, oqıǵa 31 naýryz kúni saǵat 23.52-de bolǵan.
Zardap shekken adamdar medısına mamandary qaraǵannan keıin úılerine jiberildi.