Óıtkeni Qazaqstandaǵy jaǵdaı qalypty bolǵanymen, kórshi memleketterdegi jaǵdaı kúrdeli kúıinde qalyp otyr.
Bul týraly búgingi Úkimet otyrysynda QR Premer-Mınıstri Asqar Mamın aıtty, dep habarlaıdy Almaty-akshamy.kz.
«Jalpy, sanıtarıalyq-epıdemıologıalyq jaǵdaı baqylaýda. Aýrýhanalardaǵy oryndardyń júktemesi 25 paıyz jáne jansaqtaý bólimderinde 21 paıyzdy qurap otyr. Elorda «qyzyl» aımaqta, vırýs juqtyrǵandar sany azaımaı tur. Bul elordada qabyldanyp jatqan sharalardyń jetkiliksiz ekenin jáne vaksına salý qarqyny tómen ekenin kórsetedi. Jalpy, óńirlerdiń basym bóligi - «jasyl» aımaqta, 5 óńir - «sary» aımaqta», - dedi Úkimet basshysy.
Onyń dereginshe, búgingi kúni 2,8 mıllıonnan astam adam birinshi komponentti, 1,7 mıllıonnan astam adam ekinshi komponentti saldyrdy.
«Ózderińizge belgili, elordada koronavırýstyń «delta» shtamyna tán mýtasıanyń yqtımaldyǵy anyqtalyp otyr. Onyń taralý jyldamdyǵy óte joǵary, jyldam órshıdi jáne saldary anaǵurlym aýyr. Osy rette búgin Vedomstvoaralyq komısıanyń otyrysyn ótkizýdi jáne Nur-Sultan qalasyndaǵy sanıtarıalyq-epıdemıologıalyq talaptardy qatańdatý boıynsha is-sharalardy qabyldaýdy tapsyramyn», - dedi Premer-Mınıstr.
Asqar Mamınniń aıtýynsha, qazirgi tańda jalpy Qazaqstandaǵy jaǵdaı qalypty bolǵanymen, kórshi memleketterdegi jaǵdaı kúrdeli kúıinde qalyp otyr.
«Sondyqtan memlekettik shekarada baqylaýdy kúsheıtý kerek. Osy rette sanıtarıalyq-epıdemıologıalyq talaptardyń qatań saqtalýyna jáne vaksınasıa qarqynyń ósirýge basa nazar aýdarý qajet», - dedi Úkimet basshysy.