Qazaqstannyń Syrtqy ister mınıstri resmı saparmen Ázirbaıjanǵa bardy
Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Baký qalasyna resmı saparmen baryp keldi, dep habarlady Almaty-akshamy.kz QR SİM saıtyndaǵy aqparatqa silteme jasap. Sapar barysynda Ázirbaıjan Respýblıkasynyń Prezıdenti Ilham Álıevpen jáne Premer-Mınıstr Alı Asadovpen kezdesýleri, sondaı-aq Syrtqy ister mınıstri Djeıhýn Baıramovpen kelissózderi ótti.
M.Tileýberdi Ázirbaıjan basshysyna Qazaqstan Prezıdenti Qasym-Jomart Toqaev pen Tuńǵysh Prezıdent – Elbasy Nursultan Nazarbaevtyń jyly lebizderi men tilekterin jetkizdi. Ol halyqaralyq quqyq pen BUU Qaýipsizdik Keńesiniń qararlary negizinde eldiń aýmaqtyq tutastyǵyn qalpyna keltirýimen quttyqtap, joǵary deńgeıdegi ýaǵdalastyqtardyń iske asyrylýyn talqylady.
Óz kezeginde Prezıdent I.Álıev Qazaqstan men Ázirbaıjandy burynnan kele jatqan senimdi qarym-qatynastar baılanystyratynyn atap ótti.
«Bul dostyqtyń negizin Nursultan Nazarbaev pen Geıdar Álıev qalady, al búginde bul baǵytty eki eldiń prezıdentteri jalǵastyrýda», - dedi Ázirbaıjan Prezıdenti.
Ol Prezıdent Q.Toqaevtyń Ázirbaıjanǵa josparlanǵan sapary QR men Ázirbaıjan eliniń yntymaqtastyǵyna qosymsha serpin beretinine senim bildirdi.
Taraptar saýda-ekonomıkalyq baılanystardy odan ári nyǵaıtý jáne tranzıt-kólik áleýetin damytý jónindegi kúsh-jigerdi úılestirý qajettigine kelisti.
AR Premer-Mınıstri Alı Asadovpen kezdesý barysynda ekijaqty yntymaqtastyqtyń, atap aıtqanda, ınvestısıalyq, saýda-ekonomıkalyq, tranzıt-kóliktik jáne energetıka salalaryndaǵy keń aýqymdy máseleleri qaraldy. Qazaqstan SİM basshysy Ázirbaıjan bıznesiniń ókilderine QR aýmaǵynda kóterme-taratý ortalyqtary jelisin qurýǵa qatysýdy usyndy.
AR Úkimetiniń basshysy saýda qatynastaryn, ásirese, Qazaqstannyń batys óńirlerine Ázirbaıjan ónimderin jetkizýdegi áleýetti atap ótti. Qazaqstandyq kompanıalardy Taýly Qarabaqty qalpyna keltirýge belsendi qatysýǵa shaqyrdy, bul búgingi tańda Ázirbaıjan qoǵamy úshin basymdyq bolyp tabylady.
Ázirbaıjannyń Syrtqy ister mınıstri D.Baıramovpen kelissózderde taraptar ekijaqty yntymaqtastyqtyń, óńirlik jáne halyqaralyq kún tártibiniń, onyń ishinde Kaspıı problematıkasy men BUU, EQYU, TMD, AÓSSHK, Túrki keńesi jáne basqa da kópjaqty uıymdar sheńberindegi ózara is-qımyldyń keń aýqymdy máseleleri boıynsha «saǵattardy teńesterdi».
M.Tileýberdi Ázirbaıjan, Armenıa jáne Reseı arasyndaǵy 2020 jylǵy 10 qarashadaǵy jáne 2021 jylǵy 11 qańtardaǵy qol jetkizilgen úshjaqty ýaǵdalastyqtardy quptady. Qarabaq tóńiregindegi jaǵdaıdyń turaqtanýy Ońtústik Kavkazdyń Qazaqstanmen jáne Ortalyq Azıa elderimen neǵurlym aýqymdy transóńirlik ıntegrasıasy, óńirdegi kólik baılanystarynyń qaıta ashylýyn eskere otyryp, eki eldiń Kaspıı porty ınfraqurylymynyń ósip kele jatqan áleýetin ashyp kórsetý úshin jańa jaǵdaılar týǵyzatynyna senim bildirdi.
Óz kezeginde D.Baıramov Ońtústik Kavkaz óńirindegi aǵymdaǵy jaǵdaı, Ázirbaıjannyń qabyldanǵan úshjaqty ýaǵdalastyqtardy iske asyrý boıynsha qolǵa alynǵan qadamdary týraly habardar etti.
Taraptar Saýda-ekonomıkalyq yntymaqtastyq jónindegi úkimetaralyq komısıanyń kezekti 17-shi otyrysyn ótkizý, Transkaspıı halyqaralyq kólik baǵyty sheńberindegi jobalardy iske asyrý boıynsha josparlardy belgiledi, qazaqstandyq kompanıalardyń Qarabaqtyń bosatylǵan aýmaqtarynyń azamattyq ınfraqurylymyn qalpyna keltirýge qatysý perspektıvalaryn qarady.
Qazaqstan SİM basshysy qazaqstandyq júk elektrovozdary men astyqty Ázirbaıjan naryǵyna jetkizýdi, Kaspıı teńiziniń túbi boıynsha talshyqty-optıkalyq baılanys jelisin (TOBJ) ótkizý jónindegi birlesken jobany júzege asyrýdy qanaǵattanýshylyqpen atap ótti. Bul bizdiń elderimizdiń telekomýnıkasıa salasyndaǵy tranzıttik áleýetin keńeıtedi.
2022 jyly Qazaqstan men Ázirbaıjan arasyndaǵy dıplomatıalyq qatynastardyń ornaǵanyna 30 jyl tolýyna oraı taraptar osy mereıtoı kúnin merekeleýge muqıat daıyndalý qajettigi týraly kelisti.
Sapar aıasynda qazaqstandyq delegasıa Ázirbaıjan halqynyń jalpyulttyq kóshbasshysy Geıdar Álıevtiń beıitine jáne Shehıdter aleıasyndaǵy Máńgilik alaý monýmentine gúl shoqtaryn qoıý rásimine qatysty.