Taraptar bıylǵy jyldyń 29 shildesinen bastap aptasyna 2 ret jıilikpen «Aqtóbe – Nókis» baǵyty boıynsha jańa áýe qatynasyn ashýǵa kelisti.
QR Premer-Mınıstri Asqar Mamın Ózbekstan Respýblıkasynyń kólik mınıstri Ilhom Mahkamovpen kezdesti, dep habarlaıdy Almaty-akshamy.kz Rrimeminister.kz saıtyna silteme jasap.
Pandemıaǵa qaramastan, Qazaqstan men Ózbekstan arasynda júk tasymalynyń barlyq túrleri boıynsha kórsetkishterdiń artqany baıqalady.
Taraptar tranzıttik-kólik salasyndaǵy yntymaqtastyqty damytý perspektıvalaryn, atap aıtqanda, júk tasymalyn ulǵaıtý, temirjol jáne avtomobıl kóligin damytý, birlesken iri ınfraqurylymdyq jobalardy iske asyrý máselelerin talqylady.
Qazaqstannyń Ózbekstanmen strategıalyq seriktestigi tranzıttik-kólik salasyn qosa alǵanda, barlyq baǵyttarda qarqyndy damyp keledi. Qazaqstan men Ózbekstan taraptary ózara saýda kólemin ulǵaıtý úshin kólik-logıstıka áleýetti arttyrý boıynsha sharalar qabyldap jatyr.
2021 jylǵy qańtar-mamyrda taýar aınalymy 46%-ǵa ósip, $1,5 mlrd qurady. QR-nyń ÓR-ǵa eksporty 58,4%-ǵa ulǵaıdy. Pandemıaǵa qaramastan, Qazaqstan men Ózbekstan arasynda júk tasymalynyń barlyq túrleri boıynsha kórsetkishterdiń artqany baıqalady. Tek 2021 jyldyń İ toqsanynda konteınerlik tasymaldar 2020 jyldyń sáıkes kezeńimen salystyrǵanda 57% ósimmen 233,9 myń JFE-ge deıin artyp keledi. Avtomobıl kóligimen júk tasymaldaý kólemi osy jyldyń 6 aıynda 18%-ǵa ósip, 1,3 mln tonnany qurady.
Taraptar bıylǵy jyldyń 29 shildesinen bastap aptasyna 2 ret jıilikpen «Aqtóbe – Nókis» baǵyty boıynsha jańa áýe qatynasyn ashýǵa kelisti. Qazirgi ýaqytta QR men ÓR arasynda aptasyna 32 reıs oryndalady.
Kezdesý barysynda taraptar birlesken iri ınfraqurylymdyq jobalardy — «Darbaza – Maqtaaral» jańa temirjol jelisin, «Túrkistan – Shymkent – Tashkent» joǵary jyldamdyqty magıstralin salý, t. b. iske asyrýdy talqylady.