2021 jyl tabysty jyl boldy
Premer-mınıstr Asqar Mamın elimizdiń turǵyndaryn Jańa jylmen quttyqtady, dep habarlaıdy Almaty-akshamy.kz.
«Qurmetti qazaqstandyqtar, sizderdi Jańa jyl merekesimen shyn júrekten quttyqtaımyn! Ótken 2021 jyly ońaı bolǵan joq, alaıda elimiz úshin tabysty jyl boldy – halqymyzdyń erik-jigeriniń arqasynda biz qıyndyqtardy oıdaǵydaı eńserip, ekonomıkanyń negizgi salalarynyń ornyqty ósýin qamtamasyz ettik. Sondaı-aq eldegi sanıtarıalyq-epıdemıologıalyq ahýaldy turaqtandyra aldyq» – dedi ol óz quttyqtaýynda.
Sonymen qatar ol bıyl elimizdiń áleýmettik-ekonomıkalyq damýynyń aýqymdy mindetterin iske asyrý, pandemıanyń yqtımal jańa tolqynyna qarsy tıisti sharalardy qabyldaý, qazaqstandyqtardyń ál-aýqaty men turmys sapasyn odan ári jaqsartý boıynsha kóp jumys atqarýymyz qajet ekenin aıtty.
«Bizdiń aýyzbirshiligimiz, eńbeksúıgishtigimiz jáne jarqyn bolashaqqa degen úmitimiz naqty josparlarymyzdy júzege asyrýǵa, alǵa qoıǵan maqsattarymyzǵa qol jetkizýge múmkindik beretinine senimdimin! Barlyq qazaqstandyqqa zor densaýlyq, jaqyndaryńyzǵa amandyq-saýlyq jáne tyń bastamalaryńyzǵa tabys tileımin! Jańa jyl ár otbasyǵa sarqylmas qýanysh pen baqyt nuryn syılasyn!» – dedi Mamın.