Úndistanda ótken halyqaralyq Mýmbaı kınovestıvalinde otandyq kınoakter Asqar İlıasov «Úzdik er adam róli» nomınasıasynyń jeńimpazy atandy, dep habarlaıdy Almaty-akshamy.kz.
Aqjoltaı jańalyqty akter óziniń Instagram paraqshasynda jarıalady.
Belgili bolǵandaı, Asqar İlıasov bul marapatty «Paralımpıadashy» fılminde somdaǵan róli úshin aldy. Onda akter basty keıipkerdi oınady.
Sújet jelisi boıynsha, shańǵy tebetin sportshy bala kezinen Olımpıada altynyn jeńip alýdy armandaıdy, biraq, jol apatyna túsip, aıaǵynan aırylady. Jyldar boıy ol depressıada bolyp, keıin Paralımpıada oıyndarynda baǵyn synap kórýdi oılaıdy. Fılm otandyq paralımpıadashylarǵa arnalǵan. Kartınanyń epızodtary 2018 jyly Phenchhanda 1,5 shaqyrym sprıntte jeńiske jetken Qazaqstan tarıhyndaǵy alǵashqy qysqy Paralımpıada chempıony Aleksandr Koládınniń bastan keshken shynaıy oqıǵalary negizinde qurylǵan.