Úkimet áskerılerge turǵyn úı tólemin berý tártibin qaıta qaramaq
Otbasy banki áskerı qyzmetshilerge bastapqy jarnasyz ıpotekalyq kredıt berý baǵdarlamasyn ázirlep jatyr. Bul týraly Premer-Mınıstr Álıhan Smaıylovtyń Senat depýtattarynyń saýalyna bergen jaýabynda jazylǵan, dep habarlaıdy Almaty-akshamy.kz inbusiness.kz-ke silteme jasap.
Senat depýtattary Úkimet basshysynan kelisimshart boıynsha áskerı qyzmetke kelgenderge baspana alý úshin alǵashqy jarnanyń somasyn tómendetý jáne turǵyn úıdi jaldaýǵa bólinetin qarajatty respýblıka boıynsha biryńǵaılandyrýdy suraǵan edi.
"Otbasy bank" AQ áskerı qyzmetshilerdiń turǵyn úıdi satyp alýǵa bastapqy jarnasynyń somasyn tómendetý maqsatynda áskerı qyzmetshilerge bastapqy jarnasyz ıpotekalyq kredıt berý baǵdarlamasyn ázirleýdi júzege asyrýda", – dep jazylǵan Úkimet basshysynyń jaýabynda.
Sonymen qatar, Álıhan Smaıylov Prezıdent ákimshiliginiń tapsyrmasymen Úkimet turǵyn úı tólemin júzege asyrý boıynsha qoldanystaǵy tásilderdi qaıta qaraıtynyn da habarlady.
Eske salaıyq, qazirgi tańda áskerı qyzmetshiler "Áskerı baspana" turǵyn úı baǵdarlamasy aıasynda baspana ala alady.