Bul týraly kompanıanyń baspasóz qyzmeti habarlady.
Búgin tańerteń Kostenko shahtasynda bolǵan apattan 21 kenshi kóz jumdy, 25 shahter áli tabylǵan joq, dep habarlaıdy Almaty-akshamy.kz
«Apat týraly habardan keıin «ArselorMıttal Temirtaý» qyzmetkerleriniń bastan keshken muńy men qaıǵysyn sózben jetkizý múmkin emes. Bul – áriptesterdiń otbasy úshin, bárimiz úshin úlken qaıǵy. Shahtada qutqarý jumystary jalǵasýda, 25 shahter áli tabylǵan joq, 21-iniń qaza tapqany rastaldy. Jaqyndarynan aıyrylǵandardyń otbasylaryna shyn júrekten kóńil aıtamyz. Barlyq zardap shekken qyzmetkerler keshendi kútim men ońaltý kómegin alady. Bizdiń kúsh-jigerimiz dál osyǵan, sondaı-aq memlekettik organdarmen tyǵyz yntymaqtastyqqa baǵyttalǵan», delingen kompanıa taratqan habarlamada.