Depýtattar bul qyzmetke Vahagn Hachatýrándy usyndy.
Armenıada prezıdent saılaýy naýryzda ótedi. El Parlamentiniń 65 depýtaty bul qyzmetke Joǵary tehnologıalyq ındýstrıa mınıstri Vahagn Hachatýrándy usyndy. Bul týraly Úkimet otyrysynda Premer-Mınıstr Nıkol Pashınán aıtty, dep habarlady Almaty-akshamy.kz Interfax.ru silteme jasap.
23 qańtarda Armenıa Prezıdenti Armen Sarkısán otstavkaǵa ketti. Parlament bul sheshimdi 1 aqpanda bekitti. Prezıdenttiń mindetin ýaqytsha Parlament spıkeri Alen Sımonán atqarady.
Armenıa Prezıdentin Parlament jeti jyl merzimge saılaıdy. Saılaý respýblıka Prezıdentiniń bos laýazymy ashylǵannan keıin 25 kúnnen erte emes jáne 35 kúnnen keshiktirilmeı ótkiziledi.
Vahagn Hachatýrán Armenıanyń eks-prezıdenti Levon Ter-Petrosánnyń saıası serigi bolyp sanalady, bul qyzmetti 1991-1998 jyldary atqarǵan.
Hachatýrán 1992-1996 jáne 1996-1998 jyldary Erevan qalasynyń meri boldy. 2019-2021 jyldary Prezıdenttiń keńesshisi, armándyq iri kásipkerlerdiń biri, bıleýshi partıanyń depýtaty Hachatýr Sýkıasánnyń otbasyna jatatyn «Armekonbank» basqarmasynyń múshesi boldy. 2021 jyldyń tamyzynda Hachatýrán Joǵary tehnologıalyq ındýstrıa mınıstri bolyp taǵaıyndaldy.
