Almatynyń Medeý aý men danynda aqyly avtoturaqtar qaıta jumys isteı bastaıdy, dep habarlaıdy Almaty-akshamy.kz
Bıyl 11 qyrkúıekten bastap Almaty qalasynyń Medeý aýdanyndaǵy avtoturaqtarǵa aqy tóleý júıesi iske qosylady. Bir saǵattyń quny – 100 teńge.
Trotýar túrindegi avtoturaqtar 2023 jylǵy 15 shildeden 2023 jylǵy 11 qyrkúıekke deıin tegin boldy, óıtkeni aqyly turaqtardyń jańa biryńǵaı operatory – «Almaty parkıng» baǵdarlamalyq qamtamasyz etýge qosylmaǵan.
Medeý aýdanynda jańa jańartylǵan aqparattyq taqtaıshalar boıynsha barlyǵy 12 turaq aımaǵy jumys isteıdi, onyń 4828-i trotýar turaǵy, 360-y múgedekterge arnalǵan oryn. Aqyly avtoturaqtyń jumys rejımi – kún saıyn saǵat 8:00-den 19:00-ge deıin.
Kók bazar mańyndaǵy №6547 turaq aımaǵynyń tarıfi saǵatyna 150 teńge.
Avtoturaq úshin tólemdi bylaı jasaýǵa bolady:
- «Almaty avtoturaqtary» mobıldi qosymshasy arqyly mınýtyna. Bul qosymshany telefonǵa Play Market jáne Apple Store dúkenderinen júkteýge bolady;
- almaty-parking.kz saıty arqyly
- Kaspi.kz mobıldi qosymshasy arqyly aqparattyq taqtadaǵy QR-kod boıynsha.
Esterińizge sala keteıik, burynǵy A-Parking operatory 2023 jyldyń 15 shildesinen bastap aqyly avtoturaqtarǵa qyzmet kórsetýdi toqtatty. Avtoturaqtarǵa qyzmet kórsetý boıynsha barlyq ókilettik Almaty ákimdigine, atap aıtqanda Almaty qalasy Qalalyq mobıldilik basqarmasynyń «Almaty parkıng» sharýashylyq júrgizý quqyǵyndaǵy komýnaldyq memlekettik kásipornyna berildi.
Jerge aktiler ár aýdan boıynsha jeke daıyndalady, osyǵan baılanysty aqyly komýnaldyq turaqtardy iske qosý kezeń-kezeńimen júrgiziledi.
Jańa aqparattyq taqtalarda operator, aımaq nómiri, turaq ýaqyty jáne tólem ádisteri kórsetiledi. Birinshi Medeý aýdanynda bastaldy, jyl sońyna deıin qalanyń qalǵan aýdandary qosý josparlanyp otyr: Almaly – 9 qazan, Bostandyq – 23 qazan, Túrksib jáne Jetisý – 6 qarasha, Áýezov, Alataý, Naýryzbaı aýdandary – 2023 jylǵy 25 jeltoqsanǵa deıin.