Brazılıa quramasynyń shabýylshysy Neımar 2026 jylǵy álem chempıonatynyń irikteý kezeńinde Bolıvıamen ótken machta qos goldyń avtory atandy, dep habarlaıdy Almaty-akshamy.kz.
Neımar ulttyq qurama sapynda soqqan gol sanyn 79-ǵa jetkizip, bul kórsetkish jóninen ataqty «fýtbol koroli» Peleni (onyń esebinde 77 dop bar) basyp ozyp, Brazılıanyń úzdik surmergeni atandy.
Atalǵan oıynda Brazılıa Bolıvıany 5:1 esebimen oısyrata utty. 17-mınýtta Neımar 11 metrlik aıyp dobynan múlt ketti. Degenmen 24-mınýtta Rodrıgo esep ashsa, ekinshi taım basynda Rafıná 2:0-ge jetkizdi. Sodan keıin Rodrıgo kózge tússe, 61-mınýtta Neımar mergendik tanytty. 78-mınýtta Bolıvıadan Vıktor Abrego jaýap qaıyrǵanymen, Neımar qosymsha ýaqytta mach núktesin qoıdy.
Bıylǵy jazda Neımar saýdıalyq «Al-Hılál» klýbyna alynǵan bolatyn. Ótken maýsymda Fransıa chempıonatynda «PSJ» namysyn qorǵap, 13 gol, 11 nátıjeli pastyń avtory atandy. Sondaı-aq 31 jastaǵy shabýylshynyń 2013-2017 jyldary «Barselona» quramynda dop tepkeni belgili.