Qazaqstan aýylsharýashylyq ónimderiniń negizgi túrlerin eksporttaıtyn álemdegi 10 eldiń qataryna kiredi
Qaǵaz júzinde azyq-túlik qaýipsizdigi qamtamasyz etilgen. Al shyn máninde elimiz áli de ımportqa táýeldi. Senat depýtaty azyq-túlik ınflásıasyna qarsy memlekettik organdar jumysyn osylaı synǵa aldy, dep habarlaıdy Almaty-akshamy.kz Almaty.tv-ge silteme jasap.
Onyń aıtýynsha, Qazaqstan aýylsharýashylyq ónimderiniń negizgi túrlerin eksporttaıtyn álemdegi 10 eldiń qataryna kiretinine qaramastan, azyq-túlik baǵasynyń ósýi mańyzdy máselege aınalyp otyr.
«Qazirgi ýaqytta bizdiń memlekettik organdarymyz órt sóndirý ádisimen jumys isteıdi dep aıtýǵa bolady, olardyń is-qımyly aldyn alý sıpatyndaǵy sharalardy qoldanýǵa emes, aıaqasty týyndaǵan jaǵdaıǵa jaýap qaıtarýǵa ǵana baǵyttalǵan. Eń soraqysy, bizde eldiń azyq-túlik qaýipsizdigin qamtamasyz etý máselelerinde júıelilik joq», – dedi QR Parlamenti Senatynyń depýtaty Aqylbek Kúrishbaev.
Al Senator Dınar Nóketaeva balabaqshalarda jumys isteıtin mamandardyń 50%-ynda mamandandyrylǵan salalyq bilim joqtyǵyn aıtty. Onyń pikirinshe, tárbıeshilerdiń eńbekaqysyn kóterý arqyly pedagogter tarapynan tártiptik buzýshylyqtardy azaıtýǵa bolady.
«Mektepke deıingi bilim berý salasynda qarjylandyrý, jalpy jáne ǵylymı tásilder, kadrlyq qamtamasyz etý jáne osy saladaǵy sapaly qoldaý máseleleri bar. Osy faktorlardyń saldarynan mektepke deıingi sala qyzmetkerleri pedagogıkalyq jáne psıhoemosıonaldyq turǵyda aýyr jaǵdaıǵa tap bolady. Balalarǵa qol kóterýge deıin qatygezdik tanytý, sondaı-aq mektepke deıingi uıymdardaǵy pedagogter tarapynan tártiptik buzýshylyqtar jıi bolyp otyr», – dedi QR Parlamenti Senatynyń depýtaty Dınar Nóketaeva.