Aktóbe oblysynda sońǵy eki aıda shoshqa tumaýynyń 63 jaǵdaıy anyqtaldy. Vaksınasıasyz bul ınfeksıa aýyr zardaptarǵa ákelýi múmkin.
«Moı gorod» portalynyń habarlaýynsha, kúzde aımaqta turǵyndardyń tek 14%-y ǵana ımmýndaýdan ótken. Mysaly, aýrýhanaǵa túsken 109 júkti áıeldiń tek ekeýi ǵana vaksına alǵan. Aktóbe oblystyq ınfeksıalyq aýrýhanasy bas dárigeriniń orynbasary Maıra Nurǵalıeva jaǵdaıdyń kúrdeliligine nazar aýdardy:
«A jáne V tıpti tumaýlar eń qaýipti bolyp sanalady. A tıpi (shoshqa tumaýy) ınfeksıalyq-toksıkalyq shokqa, júrek-qan tamyrlary jáne tynys alý júıesiniń zaqymdalýyna ákelýi múmkin. Vaksına almaǵan jaǵdaıda asqyný qaýpi artady, onyń ishinde pnevmonıaǵa shaldyǵý qaýpi joǵary».
Aımaqta aýrýshańdyq deńgeıi 2,8 ese ósken. 274 naýqas pnevmonıamen aýrýhanaǵa jatqyzyldy. Olardyń ishinde bir júkti áıel, 14 jasqa deıingi 208 bala jáne 1 jasqa tolmaǵan 43 sábı bar.
Mamandar turǵyndarǵa adamdar kóp jınalatyn oryndarǵa barmaýǵa jáne betperde taǵýǵa keńes berýde.