Qutqarýshylar qala turǵyndaryn úıden shyqpaýǵa shaqyrdy.
Aqtaýda kóterilgen daýyldyń saldarynan birneshe nysan qulap, jaqyn mańda turǵan avtokólikterge zaqym keldi, dep habarlaıdy Almaty-akshamy.kz Turkystan.kz silteme jasap.
Jergilikti basylymnyń málimetinshe, Aqtaýdaǵy 26-shaǵynaýdandaǵy 41-úıdiń mańynda qorshaýdyń kirpishteri opyrylyp, jaqyn jerde turǵan kóliktiń tóbesine qulaǵan. Kýágerlerdiń aıtýynsha, eski qurylys qatty jelge tótep bere almaǵan.
Taǵy bir keleńsiz oqıǵa 5-shaǵynaýdandaǵy oblystyq fılarmonıa ǵımaratynda boldy. Sondaı-aq kóp qabatty úıdiń sylaqtary tómende turǵan kóliktiń ústine opyrylyp túskeni týraly habarlandy.
Oblystyq Tótenshe jaǵdaılar jónindegi departament mamandary óńirdiń keıbir jerlerinde jeldiń jyldamdyǵy sekýndyna 30 metrge deıin kúsheıetinin eskertti. Vedomstvo oblys turǵyndaryna úıden shyqpaýǵa, kólikterin aǵashtar men senimsiz qurylystardan alys qoıýǵa keńes berdi.
