Jalpy Standard&Poor's Qazaqstan ekonomıkasynyń 2022 jyly 3,6% deńgeıinde jáne 2025 jylǵa deıin orta eseppen 4%-ǵa jýyq ósýin boljap otyr.
Standard&Poor's Qazaqstannyń táýelsiz kredıttik reıtıńin rastady Standard&Poor's halyqaralyq reıtıń agenttigi Qazaqstannyń táýelsiz kredıttik reıtıńin «BBB-/A-3» deńgeıinde rastady, boljam «Turaqty», dep habarlaıdy Almaty-akshamy.kz 24.kz-ke silteme jasap.
Qazaqstannyń reıtıńin qoldaıtyn mańyzdy faktorlar – el ekonomıkasynyń turaqty fıskaldyq jáne syrtqy balanstary. Bul rette ótimdi syrtqy aktıvteriniń bolýy Qazaqstannyń fıskaldyq turaqtylyǵyna oń áserin tıgizedi.
S&P memlekettik jáne syrtqy balanstar aldaǵy jyldary turaqty bolyp qala beretinin jáne yqtımal makroekonomıkalyq turaqsyzdyqty jumsartý úshin jetkilikti bolatynyn atap ótti. Bul rette agenttiktiń málimetine sáıkes, Reseıge qatysty ekonomıkalyq sanksıalardyń qaıtalama saldaryn eńserýge bolady jáne ol Qazaqstannyń negizgi munaı jáne gaz eksporty naryqtaryna shyǵýynda irikilisterge alyp kelmeıdi.
Sarapshylardyń pikirinshe, Qazaqstannyń tıimdi makroekonomıkalyq saıasaty ekonomıkany ártaraptandyrý, jeke sektordy damytý, halyqtyń tabysyn arttyrý, ınvestısıalyq ahýaldy jaqsartý, salyq saıasatyn jetildirý boıynsha sharalar aıasynda jalǵasa beredi. Budan basqa QR UB-nyń nesıelendirý baǵdarlamalarynan shyǵýy artyq teńgelik ótimdilikti tómendetedi, sondaı-aq transmısıalyq mehanızmderdi jaqsartady.