Oqıǵaǵa qatysty qylmystyq is qozǵalǵan
Aqtaýda eki azamatty azaptaǵan úsh jigitti polısıa ustap, tergeý ızolátoryna qamady, dep habarlaıdy Almaty-akshamy.kz Almaty.tv-ge silteme jasap.
Adam tózgisiz jaýyzdyqqa barǵandardyń taǵy bireýi áli bostandyqta júr. Tártip saqshylary aýmaqty aralap, izdeý jumystaryn jalǵastyryp jatyr. Eske salsaq, búgin túske taman áleýmettik jelide betin tumshalaǵandardyń bir jigittiń saýsaǵyn bir taldap syndyryp, ekinshisin baltamen ulyp sulatyp, soqqyǵa jyqqan beınejazbasy taraǵan bolatyn. Polısıa dereginshe, eki oqıǵa ártúrli ýaqytta bolǵan. Jastardyń mundaı áreketke naqty ne úshin barǵany ázirge belgisiz.
«Eki faktige qatysty QR QK 293-baby 3-bóligi boıynsha qylmystyq is qozǵalǵanyn habarlaımyz. Qazirgi ýaqytta tergeý amaldary júrgizilip, oqıǵalardyń tolyq mán-jaıy anyqtalyp jatyr», – dedi polısıa departamentiniń resmı ókili Áıgerim Ibatýllaeva.