Aqtaýda kópqabatty úıden qulap ketken áıel adam qoqys konteıneriniń ishine basymen túsip kóz jumǵan, dep habarlaıdy Almaty.tv tilshisi Lada.kz-ke silteme jasap.
Oqıǵa kýágerleriniń aıtýynsha, qaıǵyly oqıǵa Aqtaýdyń 27-shaǵynaýdanyndaǵy №4 úıde bolǵan.
«29 shildede keshki saǵat 19:00 shamasynda qatty soqqynyń dybysy estilgen. Keıinnen toǵyz qabatty turǵyn úıdiń kireberisiniń aldynda turǵan qoqys konteınerine áıel adamnyń qulap kóz jumǵany anyqtalǵan», - delingen habarlamada.
Kórshilerdiń aıtýynsha, marqumnyń ústinde qyzmettik formaǵa uqsaıtyn kıim – qara tústi kolgotkı men qoıý kók tústi kóılek bolǵan. Ol quqyq qorǵaý organdarynyń nemese basqa da memlekettik qyzmetterdiń ókili bolýy múmkin degen boljam bar. Qazir bul aqparat naqty tekserilip jatyr.
«Oqıǵanyń mán-jaıyn anyqtaý maqsatynda tergeý júrip jatyr. Mańǵystaý oblystyq polısıa departamenti qazirshe resmı túsinikteme bergen joq», - delingen habarlamada.