Indýstrıa jáne ınfraqurylymdyq damý mınıstrligi «Aqtaý teńiz saýda portyna halyqaralyq mártebe berý týraly» Úkimet qaýlysynyń jobasyn ázirledi, dep habarlaıdy almaty-akshamy.kz QazAqparatqa silteme jasap.
«QR Úkimeti qaýly etedi:
1. Aqtaý teńiz saýda portyna halyqaralyq mańyzy bar teńiz porty mártebesin berý.
2. «Aqtaý teńiz saýda porty» ulttyq kompanıasy» aksıonerlik qoǵamy «Aqtaý halyqaralyq teńiz saýda porty» ulttyq kompanıasy» aksıonerlik qoǵamy bolyp qaıta atalsyn.
3. Osy qaýlynyń qosymshasyna sáıkes Qazaqstan Respýblıkasy Úkimetiniń keıbir sheshimderine ózgerister engizilsin», - delingen «Ashyq» NQA portalynda jarıalanǵan qujatta.
Mınıstrlik dereginshe, bul bastama elimizdiń kólik-tranzıt áleýetin damytý maqsatynda qolǵa alyndy.
«Joba Memleket basshysynyń jańa geosaıası jaǵdaılarda Qazaqstan Respýblıkasynyń kólik-tranzıt áleýetin damytý máselesi týraly 2022 jylǵy 5 shildedegi keńestiń qorytyndysy boıynsha bergen tapsyrmasyna sáıkes ázirlengen. Osy jobany iske asyrý respýblıkalyq búdjetten qarajat bólýdi talap etpeıdi», - dep Úkimet qaýlysyna Indýstrıa jáne ınfroqurylymdyq damý mınıstrligi túsindirme bergen.
Qujat 27 sáýirge deıin kópshilik talqylaýda bolady. Keıin qol qoıý úshin Premer-Mınıstrge joldanady.