Aýrýhanalarda maska taǵý qaıta talap etile bastady.
Epıdahýaldyń ýshyǵýyna indettiń jańa shtammynyń paıda bolýy jáne maýsymdyq tumaý sebep bolyp jatyr, dep habarlaıdy Almaty-akshamy.kz
Qys bastalǵaly kovıd juqtyryp, aýrýhanaǵa túsken naýqastardyń qatary kóbeıgen. İndettiń taralýyn azaıtýy úshin AQSH emhanalarynyń basym bóligi betperde taǵýdy talap etip jatyr. Mamandardyń aıtýynsha, jaǵdaı byltyrǵydaı kúrdeli bolmasa da, búkil el boıynsha júz myńdaǵan naýqas aýrýhanaǵa tósegine tańylyp, myńdaǵan adam kóz jumýy múmkin. Sebebi, maýsymdyq aýrýlar epıd ahýaldy odan beter qıyndatyp jiberdi.
"Kovıd pen qosa tumaýmen ózge de qysqy respıratorlyq vırýstarǵa beı jaı qaramaýǵa bolmaıdy. Olar ásirese, sozylmaly aýrýlary bar, joǵary qaýip-qater tobyndaǵy adamdarda qaýipti. Tumaý tipti deni saý adamdy, jastarmen balalardy da 48 saǵat ishinde jedel járdem bólmesinen biraq shyǵarýda. Alaıda, tumaýǵa qaraǵanda adam densaýlyǵyna kovıdtiń saldary aýyr», dedi juqpaly aýrýlar jónindegi sarapshy Ýılám Shaffner.
Koronavırýstyń tez taralýyna JN.1 ataýymen belgili jańa nusqasy sebep bolsa kerek. Omıkronnyń bul túri byltyr qyrkúıek aıynda anyqtalǵan. Qazirgi tańda naýqastardyń 44%-nan vırýstyń osy varıanty tabylyp otyr. Sondyqtan turǵyndar saqtyq sharalaryna asa mán berip, vaksına saldyrǵany abzal, - deıdi dárigerler.
"Ekpe jasaýǵa eshqashan kesh emes. Barlyq pasıentterime vaksına alýdy kún saıyn aıtyp kelem. KOVID-ke at ústi qaramaý kerek. Belgilerin sezseńiz jedel test jasatyp, arýdyń asqyýynyń aldyn alý kerek", dedi dáriger Robert Pıtts.
İndettiń tez taralýynyń bir sebebi de, amerıkalyqtar ekpe jasatýdy kúrt azaıtýynan. Ótken jyly tek besten biri ǵana vaksınasyn jańartypty. Al, mamandarynyń boljaýyna qaraǵanda, aı sońyna deıin vırýs juqtyrǵandardyń qatary artyp, epıdahýal ýshyǵa túspek.