57 adam «Ata joly» kartasyn alǵan.
Qazaqstannyń Kóshi-qon komıteti tóraǵasynyń orynbasary Erbolat Ábýlhatınniń aıtýynsha, elde ınvestısıa tartý jáne etnıkalyq qazaqtardy elge qaıtarý boıynsha belsendi jumys júrgizilýde, dep habarlaıdy aqshamnews.kz
«Ata joly» kartasyn alýshylardyń geografıasy keńeıip, Reseı, Germanıa, Qytaı sıaqty dástúrli eldermen qatar AQSH pen Eýropa elderindegi etnıkalyq qazaqtar da bul baǵdarlamaǵa qyzyǵýshylyq tanytýda. Bul karta joǵary bilikti mamandar nemese tabysty kásipkerler bolyp tabylatyn etnıkalyq qazaqtarǵa arnalǵan, olar Qazaqstanda óz qabiletterin damytyp, eldiń ekonomıkasyna úles qosýǵa nıetti.
Búgingi tańda 57 adam «Ata joly» kartasyn alǵan, onyń ishinde 31-i – maman, al 26-sy – kásipker. Karta ıeleriniń kóbi Astana jáne Almaty qalalarynda ómir súrip jatyr.