AQSH-ta taǵy da atys boldy.
Bul joly Nú-Iork metrosynda belgisiz bireý jolaýshylarǵa oq atyp, birneshe adamdy jaraqattandy, dep habarlaıdy Almaty-akshamy.kz 24.kz-ke silteme jasap.
Aýyr halde jatqandar da bar. Qandy oqıǵa Brýklınniń 36 metro stansıasynda boldy. Tańǵy saǵat 08:30 shamasynda belgisiz bireý jolaýshylarǵa oq ata bastaǵan. Saldarynan 16 adam zardap shekken, olardyń 10-y oq jaraqatyn alǵan. Polısıa departamenti ókilderiniń aıtýynsha, 5 adam aýyr halde jatyr.
Adamdarǵa qarsy oq atqan kúdikti izin sýytyp úlgergen jáne onyń qolǵa túskendigi týraly aqparat joq.
«Metro stansıasynda eshqandaı jarylǵysh zat joq. Bul terrorlyq áreket emes. Kúdikti aldymen tútin shyǵaryp, sosyn oq ata bastady. Ol qara násildi jáne boıy 1 metr 50 sm shamasynda», - deıdi Nú-Iork polısıa departamentiniń basshysy Kıchant Sıýel.
Brýklınniń ońtústik bóligimen ótetin bul metro jelisi negizinen ıspandyq jáne azıattyq amerıkandyqtardyń kóp shoǵyrlanǵan aýdanynan ótedi. Jáne jalpy sońǵy ýaqytta atys kóbeıip barady. Bıyldyń ózinde qalalyq polısıa departamentiniń málimetinnshe, Nú-Iork qalasy boıynsha 322 atys tirkelip, saldarynan 360 adam zardap shekti. Bul ótken jylmen salystyrǵanda 8 paıyzǵa ósken.