Qazaqstan Respýblıkasy Prezıdent janyndaǵy Ortalyq komýnıkasıalar qyzmetiniń qurylymynda Jalǵan aqparatqa qarsy kúres jónindegi ortalyq jumysyn bastaıdy.
Jańa qurylym azamattardyń senimdi aqparat alý quqyǵyn qamtamasyz etýdegi mańyzdy element bolady.
Ortalyqtyń negizgi mindetteri:
- jalǵan aqparatty anyqtaý jáne ony joqqa shyǵarý;
- azamattardy mańyzdy taqyryptar boıynsha obektıvti, tekserilgen derektermen qamtamasyz etý;
- aqparatty jaýapkershilikpen tutyný mádenıetin damytý.
Aqparattyq qanyqtyrý jaǵdaıynda faktilerdi qasaqana burmalaýdan ajyratý óte mańyzdy. Jańa ortalyq aqparat aǵynynda navıgasıa quralyna aınalady.
Jumys memlekettik organdar, sarapshylar qaýymdastyǵy, jýrnalıser jáne azamattarmen yntymaqtastyqta júrgiziledi.
Ortalyqty qurý - bul naqty faktilerge, jaýapkershilikke jáne aqparatqa degen senimge negizdelgen turaqty komýnıkasıalyq ortany qalyptastyrýǵa qısyndy qadam.
Ortalyq feıkterge turaqty sholýlar, manıpýlásıa jasaý keısterin jarıalaıdy, sondaı-aq rezonanstyq aqparattyq taqyryptar boıynsha saraptamalyq túsiniktemeler beredi. Ortalyqty iske qosý kúrdeli aqparattyq prosesterdi áleýmettik jelilerdegi resmı resýrstarǵa qarapaıym jáne kórneki túsindirýge baǵyttalǵan aqparat ornalastyrýmen qatar júredi.
Qajetti sharalardy jedel qabyldaý úshin Telegram kanalynda arnaıy @AntiFakeCenterBot chat-boty quryldy, munda feık belgileri bar aqparatty jiberýge bolady (siltemeler, jalǵan habarlamalary bar skrınshottar).
Birinshi shyǵarylymda sońǵy kezderi elimizdiń aqparattyq keńistiginde paıda bolyp jatqan jalǵan málimetterdi zerdeleımiz.