Qazaqstannyń Densaýlyq saqtaý mınıstri Aqmaral Álnazarovanyń Instagram jelisinde habarlaǵanyndaı, el boıynsha qan ortalyqtarynda eki kún ishinde 1,5 myńnan astam adam 800 lıtr qan tapsyrdy, dep habarlaıdy aqshamnews.kz
Aqtaýda qan tapsyrýǵa 490 adam kelgen bolsa, Astanada – 600-den astam, Shymkentte – 125, Aqtóbede – 109, Jetisýda – 49, Qaraǵandyda – 40, al Shyǵys Qazaqstan oblysynda – 34 adam qatysqan. Mınıstrdiń aıtýynsha, basqa da óńirlerdiń turǵyndary belsendilik tanytqan.
"Osy qaıǵyly áýe apatynan zardap shekkender úshin qan tapsyrǵan árbir azamatqa, bizdiń medısına qyzmetkerlerine kómekteskenderge shyn júrekten alǵysymdy bildiremin," – dep jazdy mınıstr.
Bul oqıǵa qazaqstandyqtardyń janashyrlyǵy men ortaq qaıǵyny bólisýge degen yntasyn kórsetti. El turǵyndary osyndaı qıyn sátte birliktiń mańyzdy ekenin dáleldedi.