Ol 70 jyl boıy bir jerde jumys istegen.
Anglıanyń Somerset qalasynyń 83 jastaǵy turǵyny Braıan Chorlı bir kompanıada 70 jylǵa jýyq jumys istep, zeınetke shyǵýdan bas tartty, dep habarlaıdy Almaty-akshamy.kz Lenta.ru caıtyna silteme jasap.
Chorlıdiń aıtýynsha, ol alǵash ret 1953 jyly aıaq kıim dúkenine jumysqa ornalasqan. Ol kezde brıtandyq 14 jasta bolǵan. Er adam jumysqa erte shyǵýynyń sebebin otbasynda aqshanyń jetispeýshiligi jáne ata-anasyna kómekteskisi keletindigimen túsindirgen.
Biraz ýaqyttan keıin ol jumys istegen aıaq kıim dúkeni jabylyp, onyń ornyna saýda ortalyǵy salynǵan. Ol brıtandyq tutynýshylarǵa qyzmet kórsetýge jaýapty bólimde jumys isteıdi, tutynýshylardy qarsy alyp, olarǵa qolaıly jaǵdaı jasaıdy.
Jaqynda er adam medısınalyq tekserýden ótken. Tekserý qorytyndysy boıynsha densaýlyǵy jaqsy bolyp shyqqan jáne jumysyn jalǵastyra alady.
«Men kúni boıy kresloda otyrǵym kelmeıdi, bul adamdy jalyqtyrady. Men syrtqa shyǵyp, adamdarmen tanysqym keledi», - dedi Chorlı.
Ol jasyna qaramastan, jumysyn jalǵastyryp kele jatqan 95 jastaǵy brıtandyq telejúrgizýshi jáne natýralıs Devıd Attenborodan úlgi alatynyn aıtty.
Buǵan deıin Anglıanyń Berhamsted qalasynyń jas kórinetin turǵyny óziniń tartymdy kelbetiniń syryn ashqany habarlanǵan bolatyn.
«Men tolyǵymen zeınetke shyǵýdan bas tartamyn», - degen ol eńbekti «máńgilik jastyqtyń» kilti dep sanaıtynyn aıtty.