El Konstıtýsıasyna engiziletin túzetýler túsindirildi
Elimizdiń Konstıtýsıasyna engiziletin túzetýler Almatynyń áleýmettik-ekonomıkalyq jaǵdaıyn aıtarlyqtaı jaqsartady. Bul týraly №16 qalalyq emhana ujymymen kezdesý barysynda AMANAT partıasynyń májilismenderi aıtty. dep habarlaıdy Almaty-akshamy.kz.
Emhana qyzmetkerleriniń Konstıtýsıalyq reformalarǵa qatysty suraqtaryna QR Parlamenti Májilisiniń depýtaty Aıgúl Quspan tolyq túsinikteme berip, aldaǵy oqıǵanyń elimizdiń bolashaǵy úshin mańyzdylyǵyn atap ótti.
«Árıne, bul konstıtýsıalyq reformalar úshin taǵdyrsheshti sát. Túzetýler engizý bılik tarmaqtary arasyndaǵy qarym-qatynastardyń ońtaıly tepe-teńdigin qalyptastyrýǵa jáne azamattardyń konstıtýsıalyq quqyqtaryn qorǵaýdy kúsheıtýge kómektesedi», - dep atap ótti A.Quspan.
Al májilismen Aıdos Sarymnyń aıtýynsha, máslıhattardyń róli kúsheıtilip, olardyń jergilikti máselelerdi sheshýdegi jaýapkershiligi artady.
Óz kezeginde, QR Parlamenti Májilisiniń depýtaty Juldyz Súleımenova bilim berý jáne densaýlyq saqtaý mekemeleri óz uıymdary ǵımarattarynyń materıaldyq-tehnıkalyq bazasy men jalpy jaǵdaıyn jaqsartýǵa baılanysty jınaqtalǵan máselelerdi sheshýge múmkindik beretinin atap ótti.
«Májilistiń quzyreti keńeıip, respýblıkalyq búdjettiń atqarylý sapasyna parlamenttik baqylaý kúsheıip kele jatqany meni qýantady. Buǵan deıin respýblıkalyq búdjettiń atqarylýyn baqylaý jónindegi esep komıteti Joǵary aýdıtorlyq palataǵa aınalatyny, onyń tóraǵasy jylyna eki ret Májilis depýtattarynyń aldynda esep beretini aıtylǵan bolatyn. Qazir biz sol esepterdi tyńdap, barlyq suraqtardy qoıa alatyn bolamyz», - dep atap ótti depýtat J.Súleımenova.
Esterińizge salsaq, AMANAT partıasynyń Almaty qalalyq fılıalynyń shtaby quryldy, onyń mindetterine aldaǵy referendýmdy qoljetimdi jáne jedel túsindirý kiredi. Shtab megapolıstiń barlyq aýdandarynda 200-ge jýyq kezdesý ótkizýdi josparlap otyr.
Aqparattyq materıal «Respýblıkalyq referendým jónindegi» QR Zańynyń 7 baby 2 tarmaǵy boıynsha «AMANAT» partıasy qoǵamdyq birlestiginiń Almaty qalalyq fılıalynyń tapsyrysymen shyqty, jaýapty tulǵa M. B. Otynshıev.