Álemdegi saıası jaǵdaı baǵaly metaldyń baǵasyna áser etýde
Búginde 1 gram altynnyń resmı quny – 33 835,57 teńge. Ulttyq banktiń dereginshe, bul keshegimen salystyrǵanda 1% (355,14 teńge) tómen, dep habarlady Telegram-daǵy Data Hub arnasy.
Baǵaly metal úshinshi kún qatarynan arzandap jatyr. Osyǵan deıin 18 sáýirde onyń quny tarıhı joǵary deńgeıge kóterilgen: 1 gram altyn – 34 546,96 teńge. Osy kórsetkishpen salystyrsaq, baǵaly metal 2,1% (711,39 teńge) tómendegen.
Keshe altynnyń álemdik baǵasy aptalyq eń tómengi deńgeıge deıin, 2% tómendegen. Sebebi Taıaý Shyǵystaǵy qaqtyǵys qaýpi azaıdy.