Shamamen 50 bas qulan jetkizildi.
«Altyn-Emel» ulttyq parkinen "İle-Balqash" rezervatyna alǵash ret qulandar jetkizildi, dep habarlady Almaty-akshamy.kz QazTagqa silteme jasap.
«Altyn-Emel ulttyq parkinen «İle-Balqash» rezervatyna shamamen 50 bas qulan jetkizildi. Olardyń ortaǵa beıimdelýi jumsaq túrde ótýi úshin janýarlar aýmaǵy 22 gektar bolatyn arnaıy qorshaýǵa ornalastyryldy. Ol jerde shamamen 5-7 aı ýaqytqa deıin bolady, odan keıin tuıaqtylar tabıǵı ortaǵa jiberilmek», – delingen Qazaqstan Respýblıkasy Ekologıa, geologıa jáne tabıǵı resýrstar mınıstrliginiń baspasóz qyzmetiniń habarlamasynda.
Sonymen qatar, atalmysh aýmaqqa taǵy da buqar buǵylary ákelindi. Rezervat aýmaǵyna buǵylardy jersindirý 2018 jyly bastalǵan bolatyn – sol jyly alǵash ret 5 tuıaqty qorshaý ishine jiberilgen. Erekshe qorǵalatyn tabıǵı aýmaq 2019 jyly 17 bas, 2020 jyly 30 bas, 2021 jyly 53 bas jáne bıyl 54 bas buǵymen tolyqty, onyń 15-i qazirgi tańda qorshaýǵa jiberilgen.
Qyzyl kitapqa engen janýarlardyń qozǵalý aýmaǵyn baqylaý maqsatynda ár qorshaý ishine 2 fototuzaqtan ornatylǵan.