Bıyl bul maqsatqa búdjetten 84,7 mlrd teńge bólingen.
Tabysy az otbasylardyń mektep jasyna deıingi balalaryna áleýmettik toptama beriledi, dep habarlaıdy Almaty-akshamy.kz QR Eńbek jáne halyqty áleýmettik qorǵaý mınıstrligine silteme jasap.
1 mamyrdaǵy málimet boıynsha 111,4 myń otbasyndaǵy 571,1 myń adamǵa ataýly áleýmettik kómek taǵaıyndaldy.
Ataýly áleýmettik kómek otbasynyń jan basyna shaqqandaǵy ortasha tabysy óńirlik kúnkóris deńgeıiniń 70%-inen tómen azamattarǵa beriledi.
Sondaı-aq, AÁK kórsetýdiń jańa tetigin iske asyrý aıasynda barlyq óńirde tabysy az otbasylardyń mektep jasyna deıingi balalary kepildendirilgen áleýmettik toptamamen qamtamasyz etiledi.
1 mamyrdaǵy jaǵdaı boıynsha AÁK alýshylar qataryndaǵy 1 jastan 6 jasqa deıingi 144,6 myń balaǵa azyq-túlik jáne turmystyq hımıa jıyntyǵy túrinde áleýmettik toptama taǵaıyndaldy, dedi eńbek mınıstrligi.
Eske salsaq, bıyl qańtar aıynda tótenshe jaǵdaı rejımine baılanysty 2021 jyldyń 4 toqsanynda ataýly áleýmettik kómek alǵan azamattarǵa tólemder 2022 jylǵy 1 toqsanǵa avtomatty túrde uzartyldy. Bul rette ataýly kómekke endi ilikkender Elektrondy úkimet portaly arqyly ótinish bere alady.