Keptelis kezinde jergilikti turǵyn polısıa qyzmetkerleri Nurlan Ismaılov pen Ádilet Nematovtan quralǵan mamandandyrylǵan batalónnyń ekıpajynan kómek surap júgingen, dep habarlaıdy Almaty-akshamy.kz.
– Áriptesim ekeýmiz Seıfýllın dańǵylynda qyzmette boldyq. Bizge qasymyzǵa kólik kelip toqtady, júrgizýshi tolǵaǵy bastalǵan júkti áıelin alyp bara jatqanyn aıtty. Olardy perzenthanaǵa deıin jetkizýin ótindi, – dedi Ádilet Nematov.
Eki kólikten quralǵan kortej qalanyń basqa jaǵynda ornalasqan №3 perınataldyq ortalyqqa sanaýly mınýttarda jetti.
– Polıseılerdiń arqasynda biz barlyq keptelisten qaýipsiz ári jyldam óttik. Jarty saǵattan keıin áıelim bosandy. Bul meniń úshinshi qyzym. Men polısıa qyzmetkerlerine kómek kórsetkeni úshin alǵys aıtamyn. Áıelim men qyzym qazir úıde, bizde bári jaqsy, – dedi, Rýstam esimdi almatylyq.