Almatyda kreatıvti kásipkerlerge qarjylaı qoldaý kórsetiledi. Búginde megapolıs ekonomıkasy damýynyń draıveri shıkizat ónerkásibinen kreatıvti sektorǵa aýysýda. Ekonomıkalyq ósýdiń jańa senimdi kózine aınalyp otyrǵan osy sala týraly Almatynyń kreatıvti ındýstrıa basqarmasynyń basshysy Qaısar Sarybaev aıtty, dep habarlaıdy almaty-akshamy.kz
Óńirlik komýnıkasıalar qyzmeti alańynda Q. Sarybaev kreatıvti óndiristerdiń ekonomıka úshin qundylyǵy aıqyn ekenin basa aıtty.
«Shyǵarmashylyq jáne naryq. London, Nú-Iork, Tokıo, Gonkong, Berlın, Barselona, Máskeý osy jolmen júredi. Kreatıvti ekonomıka shaǵyn bıznes pen jumyspen qamtýǵa aıtarlyqtaı múmkindikter usynady. Bul ıkemdi, jobaǵa negizdelgen, mobıldi, jeke daǵdylardy qajet etedi», - dedi basqarma basshysy.
Qaısar Sarybaev atap ótkendeı, Qazaqstannyń JİÓ-de kreatıvti ındýstrıanyń úlesi Almaty qalasyna tıesili - barlyq jumyspen qamtylǵandardyń 50%-dan astamy. Ol Memleket basshysy eldegi kreatıvti ekonomıkanyń mańyzdylyǵyna basa nazar aýdarǵanyn jáne osy salany damytýda Almaty qalasyna qoldaý kórsetetinin qosty.
«Kreatıvti kásipqoılar tek kreatıvti ındýstrıada ǵana suranysqa ıe emes. Kóptegen dástúrli salalardyń básekege qabilettiligi olardyń ónimdiligine baılanysty. Meniń oıymsha, Almaty jaqyn arada jańa ındýstrıalar men ınovasıalardyń, «bilim ekonomıkasynyń» ortalyǵyna aınalady dep oılaımyn, sebebi jergilikti atqarýshy organdar kreatvıti bıznes-qoǵamdastyq ókilderimen júıeli qarym-qatynas ornatýǵa múddeli», - dep jalǵastyrdy sózin Qaısar Sarybaev.
Kreatıvti ındýstrıany damytýdyń 2025 jylǵa deıingi tujyrymdamasynyń jobasy ázirlenip, kreatıvti salaǵa arnalǵan EQJK-lar anyqtaldy. Búginde kreatıvti kásipkerlerge «Almaty Finance» jáne «Almaty MQU» arqyly, sondaı-aq «Bıznestiń jol kartasy-2025» memlekettik baǵdarlamasy boıynsha qarjylyq qoldaý kórsetiledi.
Kreatıvti ındýstrıanyń zamanaýı ınfraqurylymyn qalyptastyrý úshin bsqarma «Depo Evolution Park»qurýda jáne burynǵy tergeý ızolátorynyń bazasynda Kreatvıti ındýstrıa parkiniń jobasyn ázirleýde.
«Bizdiń vedomstvo kásipkerlerdi qurýdy jáne qoldaýdy jalǵastyrady, bul kreatıvti adamdar men komandalarǵa ózderin ekonomıkada tez jáne tıimdi júzege asyrýǵa múmkindik beredi», - dedi Qaırat Sarybaev.
Sóziniń sońynda ol Almatydaǵy kreatıvti ındýstrıalar qalanyń týrısik tartymdylyǵyn arttyratynyn aıtty.