Óńirlik komýnıkasıalar qyzmetiniń alańynda «Almatybasjospar» ǵylymı-zertteý ınstıtýtynyń bas dırektory Asqat Sádýov osylaı dedi.
Qaladaǵy aýany jaqsartý úshin Bas josparda qandaı is-sharalar qarastyrylǵany týraly suraqqa jaýap bere otyryp, ol taý aımaǵynda qalyptasatyn jáne qalanyń mıkroklımatyna áser etetin jeldiń ótine keshendi zertteýler júrgizilgenin atap ótti, - dep habarlaıdy Aqshamnews.kz.
«Derekke qaraǵanda, jel kóbine soltústik–soltústik-shyǵys, ońtústik-batys jáne ońtústikten soǵady. Ásirese qyz kezinde bul baǵyttan jeldiń soǵýy údeı túsedi. Osy anyqtalǵan zańdylyqtardy eskerip, Bas josparda qalalyq ortanyń tabıǵı jeldetilý deńgeıin arttyrýǵa baǵyttalǵan qaladaǵy qurylysqa qatysty biraz sheshim qolǵa alynǵaly otyr», - deıdi spıker.
Olardyń qatarynda:
• Qalanyń tabıǵı jeldetilýin kúsheıtý úshin kóshe-jol jelisi men qaladaǵy úılerdi jeldiń negizgi baǵytyna yńǵaılap qurý;
• Qalanyń joǵarǵy jáne ortalyq bólikterinde qalyptasatyn aýa aǵyndarynyń negizgi joǵary-tómen qozǵalysyn qamtamasyz etetin aımaqtarda retsiz bıik qurylysqa shekteý qoıý;
• Zıandy qospalardyń taralý jyldamdyǵyn aıtarlyqtaı tómendetetin shamadan tys tyǵyz qurylysty azaıtý;
• Qalalyq keńistikterdiń erkin jeldetilip, aýa massalarynyń erkin ótýine múmkindik beretin ǵımarattardyń keńistiktik-kólemdik qurylymyn qalyptastyrý;
• Tabıǵı jeldiń aǵynyn kósheler men kvartaldarǵa baǵyttaıtyn sáýlettik sheshimder ázirleý.
Atalǵan is-sharalardy iske asyrý qalanyń tabıǵı jeldetilýin aıtarlyqtaı jaqsartyp, aýanyń sapasyn arttyryp, turǵyndarǵa qolaıly orta qalyptastyrýǵa múmkindik beredi.