Almatynyń Alataý aýdanynda serýendeýge jáne demalýǵa arnalǵan jańa qoǵamdyq keńistik paıdalanýǵa berildi. Qazirdiń ózinde jergilikti turǵyndar arasynda úlken suranysqa ıe nysan Úlken Almaty ózeniniń jaǵasynda, Rysqulov pen Raıymbek dańǵyldarynyń aralyǵynda ornalasqan. Bul týraly Alataý aýdany ákimdiginiń ókilderi aıtty.
Aǵymdaǵy jóndeý jumystary aıasynda aýmaq keshendi túrde abattandyrylyp, qala turǵyndarynyń jaılylyǵy men qaýipsizdigine basymdyq berildi. Shaǵyn sáýlettik nysandar men syrtqy jaryqtandyrý tirekteri ornatyldy, jaılylyq pen birliktiń sımvoly sanalatyn «Shańyraq» art-nysany retke keltirilip, aǵashtar otyrǵyzylyp, kógaldar jasaldy, zamanaýı avtomatty sýarý júıesi engizildi, asfált, kespe tas tóseldi.
«Buryn bul jerden jaı ǵana ótip ketetinbiz, al qazir shynymen de serýendeıtin orynǵa aınaldy. Balalarmen qydyrýǵa óte yńǵaıly, keshke serýendeý de jaqsy – jaryq, jınaqy, qaýipsiz. Úıdiń mańynan osyndaı keńistikterdiń ashylǵany qýantady», – dedi aýdan turǵyndarynyń biri.