Qazaqstannyń 16 oblysynda auyldy eskertu jarıyalandy, dep habarlaıdy Aqshamnews.kz tílshísí.
"Qazgıdromet" deregínshe, el aumaǵynda qar, kóktaıǵaq, tūman jáne qatty jel kútíledí, al keı óńírlerde aua temperaturasy -40 gradusqa deıín tómendeıdí.
Sınoptıkterdíń boljamynsha, Qyzylorda oblysynyń ońtústígí men ortalyǵynda túnde qar jauyp, kúndíz jauyn-shashyn kóbíne qar túrínde túsedí. Oblystyń bírneshe bólígínde tūman, kóktaıǵaq bolyp, būrqasyn júredí. Jeldíń ekpíní 15-20 m/s-qa deıín jetedí. Qyzylorda qalasynda da kóktaıǵaq pen būrqasyn kútílíp otyr.
Túrkístan oblysynyń tauly aımaqtarynda jańbyr men qar aralas qatty jauyn-shashyn jauady. Oblystyń batysy men soltústígínde jel kúsheıíp, tauly óńírlerde onyń jyldamdyǵy 28 m/s-qa deıín barady. Shymkent pen Túrkístan qalalarynda da jeldíń ekpíní 15-20 m/s bolady.
Almaty oblysynyń tauly jáne ońtústík audandarynda tūman túsedí. Oblystyń soltústígí men batysynda jel kúsheıedí. Almaty men Qonaev qalalarynda túnde jáne tańerteń tūman kútíledí.
Astanada joldar kóktaıǵaq bolyp, júrgízushílerge erekshe saqtyq qajet. Aqtóbe oblysynda qar jauyp, jayau būrqasyn soǵady. Keı jerde jeldíń ekpíní 25 m/s-qa deıín jetuí múmkín.
Mańǵystau, Atyrau jáne Batys Qazaqstan oblystarynda da qar, jańbyr, kóktaıǵaq jáne tūman kútíledí. Aqtau, Atyrau, Oral qalalarynda aua raıynyń qolaısyzdyǵyna baılanysty jol qozǵalysy qıyndauy múmkín.
Qaraǵandy jáne Ūlytau oblystarynda būrqasyn júríp, jel kúsheıedí. Keı audandarda onyń jyldamdyǵy 28 m/s-qa deıín jetedí. Jezqazǵan men Qaraǵandy qalalarynda da qatty jel boljanyp otyr.
Sınoptıkterdíń málímetínshe, 15-17 qańtar aralyǵynda Pavlodar jáne Shyǵys Qazaqstan oblystarynyń soltústígí men shyǵysynda túnde aua temperaturasy -40 gradusqa deıín tómendeıdí. Būl óńírlerde qalyń ayaz ben tūman kútíledí.
Sonymen qatar Abaı, Qostanaı, Jambyl, Jetísu jáne Aqmola oblystarynda da tūman, kóktaıǵaq jáne qatty jel boljanyp otyr. Taraz ben Kókshetau qalalarynda joldar mūzdap, kólík qozǵalysyna qauíp tónuí múmkín.
Tótenshe jaǵdaılar qyzmetí tūrǵyndardy alys jolǵa shyqpauǵa, aua raıy kúrt nasharlaǵan kezde qauípsízdík sharalaryn saqtauǵa shaqyrady.
