Almatydaǵy jańa DSK: munda kún saıyn 200-ge jýyq qala turǵyny sportpen shuǵyldana alady
Almaty ákimi Erbolat Dosaev Alataý aýdanyn aralaý barysynda Zerdeli sh/a jańa deneshynyqtyrý-saýyqtyrý keshenin aralady, dep habarlaıdy aqshamnews.kz
Deneshynyqtyrý-saýyqtyrý ortalyǵy balalar men jastarǵa arnalǵan túrli sport seksıalaryn usynady. Ortalyqta kún saıyn eki aýysymda 196 adam aınalysa alady. Onda sport, boks jáne horeografıalyq jáne ústel oıyndary zaly bar. Normatıvterge sáıkes ortalyq kıim-keshek jáne dýsh bólmelerimen, sondaı-aq múmkindigi shekteýli azamattarǵa beıimdelgen sanıtarlyq toraptarmen jabdyqtalǵan.
Aralaý qorytyndysy boıynsha Erbolat Dosaev birqatar tapsyrmalar berdi: atap aıtqanda, ol salynǵan deneshynyqtyrý-saýyqtyrý keshenderi otbasylyq-baǵdarlanǵan bolýy tıis, ol úshin sport mektepteriniń tárbıelenýshileri ǵana emes, sondaı-aq jaqyn mańdaǵy aýdandardyń turǵyndary men erekshe qajettilikteri bar qala turǵyndarynyń qoljetimdiligi qamtamasyz etilýi úshin kesteni ońtaılandyrý qajet ekenin atap ótti. Kelýshilerdiń yńǵaılylyǵy men jaılylyǵyn qamtamasyz etý úshin ákim senbi jáne jeksenbide DSK-in qoljetimdi etýge buıryq berdi.
«2025 jyly biz deneshynyqtyrý-saýyqtyrý keshenin tolyqtyratyn, ony jabyq úı - jaılarmen ǵana emes, sportpen aınalysýǵa arnalǵan ashyq alańmen de qamtamasyz etetin zamanaýı fýtbol alańyn salamyz», - dedi Erbolat Dosaev.
Jalpy Almatyda tórt DSK (Aqjar, Shuǵyla, Saıaly shaǵyn aýdany jáne «Avıator» stadıony) jáne erekshe qajettilikteri bar adamdarǵa arnalǵan sport ortalyǵyn salýǵa jobalyq-smetalyq qujattama ázirlenýde.
Ótken jyldyń qorytyndysy boıynsha negizgi kórsetkishke qoljetkizildi – den shynyqtyrýmen jáne sportpen turaqty túrde aınalysatyn halyqty qamtý 42%-dy (924 myń qala turǵyny) qurady. Aǵymdaǵy jyldyń sońyna qaraı júrgizilip jatqan jumystardy eskere otyryp, bul kórsetkishti 46% - ǵa deıin jetkizý josparlanýda.
