Urynyń SHQO-dan kelgeni belgili boldy.
Qylmystyq topty ustaý is-sharasyn krımınaldyq polısıa qyzmetkerleri men Alataý aýdandyq PB-nyń jedel ýákilderi júrgizgen. Qazirgi ýaqytta tergeýshiler qylmystyń basty qatysýshysy – S.esimdi azamattyń úsh páter urlyǵyna qatysy baryn dáleldedi, dep habarlaıdy Almaty-akshamy.kz Polisia.kz saıtyna silteme jasap.
«Qaskóı standartty tizbek boıynsha áreket etti. Úıdiń qojaıyndary bar-joǵyn teksergen soń, turǵyn úıge kirgen. Bildirmeı alyp ketýge bolatyn nárseniń bárin aldy – bul altyn buıymdar, qolma-qol aqsha jáne turmystyq zattar. Úılerdiń birinen urlanǵan geodezıalyq qural – nevelır jasalǵan urlyqtyń birine zattaı aıǵaq boldy. QR QK-niń 188-baby 3-bóligi boıynsha sotqa deıingi tergeý amaldary júrgizilýde», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Aıtpaqshy, kúdikti 29 jastaǵy S.esimdi azamat SHQO-dan kelgen, buryn da osyǵan uqsas qylmys jasaǵany úshin sottalǵan, al onyń sybaılasy 33 jastaǵy I.esimdi azamat Túrkistan oblysynyń týmasy, urlanǵan múlikti satyp alyp júrgen. Atalǵan qylmystyq ister boıynsha tergeý jalǵasýda. Qylmystyq dýettiń eki múshesiniń de buryn jasalǵan osyǵan uqsas qylmystarǵa qatysy bar-joǵy tekseriletin bolady.