Qazaqstanda sońǵy 5 jylda jel jáne kún stansıalarynyń qýaty on esege artty.
Búgingi tańda elimizde balamaly qýat kózderiniń 140-tan astam nysany jumys istep tur, dep habarlaıdy Almaty-akshamy.kz Qazaqtv.com caıtyna silteme jasap.
Onyń 43-i jel, 53-i kún, 40 sý jáne 5-ýi bıoelektr stansıasy. Aldaǵy ýaqytta olardyń qatary artady dep josparlanǵan.
«2025 jylǵa deıin biz taǵy 49 nysandy iske qosýdy josparlap otyrmyz. Olardyń qýattylyǵy 860 megavatt bolady. Bunyń arqasynda biz qosymsha jumys oryndaryn ashamyz, jasyl tehnologıanyń úlesin arttyramyz jáne osy nysandar salynatyn aımaqtarǵa ınvestısıa tartamyz», - deıdi QR Energetıka mınıstrliginiń basqarma basshysy Dáýlet Zakaránov.
Sarapshylardyń aıtýynsha, 2030 jylǵa qaraı elimizdiń energıa balansynda jasyl energıanyń úlesi 15 prosentke jetýge tıis. Qazir bul kórsetkish 4 paıyzdy quraıdy. Al 2060-qa qaraı Qazaqstan kómirtegi beıtaraptyǵyna qol jetkizýi kerek.