Búgin Memleket Basshysy Qasym-Jomart Toqaevtyń bastamasymen QR Konstıtýsıasyna engizilgen túzetýler boıynsha jalpy daýys berý óttti. Ortalyq saılaý komısıasynyń derekterine sáıkes, qazaqstandyqtardyń 65,04%-y daýys berýge qatysty. Almatyda 574 saılaý ýchaskesi jumys isteıdi, oǵan halyqtyń 29,82%-y qatysty. Olardyń qatarynda qoǵam qaıratkerleri de jeterlik.
Referendýmdy qoldap, daýys berýge qatysqan Almaty qalasy máslıhatynyń depýtaty Mıhaıl Grachev búgingi referendýmnyń elimiz úshin taǵdyrsheshti bolatynyn atap ótti:
«Elimizde ótetin ár saılaý saıyn men damyǵan demokratıalyq qoǵam qurý jáne elimizdiń bolashaǵyn aıqyndaý jolyndaǵy azamattyq paryzymdy oryndaý úshin alǵashqylardyń biri bolyp saılaý ýchaskesine kelip, óz daýysymdy beremin», - dedi depýtat.
Óz kezeginde «Turan» ýnıversıtetiniń rektory, Almaty qalasy Qoǵamdyq keńesiniń tóraǵasy Rahman Alshanov elimizde eleýli ózgerister bolyp jatqanyn jáne referendým soǵan dálel ekenin atap ótti.
«Bizdiń Prezıdent Qasym-Jomart Toqaev Jańa Qazaqstan qurý týraly bastama kóterdi. Bizdiń halqymyz dana, túsinigi mol - árkimniń aıqyn ózindik oıy, pozısıasy bar. 30 jyl ishinde qoǵamda jańa oılar men ıdeıalar órbidi. Saldarynan bizdiń elimizge ózgerister qajet – bul búgingi qoǵamnyń talaby. Osy tóńireginde buǵan deıin kóptegen pikirler aıtyldy, kezdesýlerde ártúrli qyzmet salalaryndaǵy adamdardyń túrli oılary belgili boldy. Osyǵan baılanysty, Qazaqstan halqy QR Konstıtýsıasyna engizilgen túzetýlerdi qoldaıdy. Men de elimizdiń bolashaǵy úshin óz daýysymdy berdim», - dedi spıker.
Óz saılaý ýchaskesine máslıhat depýtaty Erbolat Qasymov ta daýys berýge keldi, ol eldiń bolashaǵy úshin tańdaý jasaýdy óziniń azamattyq paryzy dep biledi.
Almaty qalasy máslıhatynyń depýtaty Rahat Shımasheva da óziniń belsendi azamattyq ustanymyn bildirdi:
«Men bizdiń elimiz jaqsaryp, jańa deńgeıge kóteriletinine senemin. Jańa Qazaqstandy qurý úshin birigeıik!» - dep qorytyndylady ol.