Almatylyq «Qaırat» fýtzaldan Chempıondar lıgasynyń alǵashqy kezdesýinde belgıalyq «Anderleht» komandasymen teń tústi.
Syrt alańda ótken oıynnyń besinshi mınýtynda belgıalyq Franko Elovchıch esep ashty. «Qaırat» komandasy 17-shi mınýtta esepti teńestirdi. Ekinshi taımnyń 23 mınýtynda Dıego soqqan goldyń arqasynda alań qojaıyndary alǵa shyqqan edi. 38-mınýtta Dáýren Tursaǵulov belgıalyqtardyń qaqpasyna ekinshi goldy salyp, oıynǵa núkte qoıdy. Esep 2:2, dep habarlaıdy Almaty-akshamy.kz.
Jerlesterimiz búgin Ispanıanyń «Palmo», erteń Fransıanyń «Sportıng-Parıj»komandalarymen oınaıdy.
«Anderleht» óziniń osal emes komanda ekenin kórsetti. «Qaıratpen» teń dárejede oınaı alatyn. Biraq, bizdiń oıynshylar minez kórsetip, nátıjesinde teń oıyn shyqty. Aldaǵy oıyndarda «Qaırat» jeńiske jetedi dep senemiz, qoldaımyz», - dedi QR Belgıadaǵy elshiliginiń keńesshi-ýákili, jankúıer Asqar Ábdirahmanov.
«Árıne, biz mundaı nátıje kútpep edik. Toptaǵy qarsylastarymyz myqty, olarmen oınaý ońaı emes. Degenmen, bizdiń komanda kúsh jınap, aldaǵy eki oıynda oń nátıje kórsetedi degen oıdamyn», - dedi fýtzaldan Qazaqstan quramasynyń bas bapkeri Paýlo Rıkardo Kaka.