Shetel azamattary arnaıy is-shara nátıjesinde ustaldy, dep habarlaıdy Almaty-akshamy.kz
Kıberpoldyń málimetinshe, olar qarajatty qolma-qol aqshaǵa aınaldyrýǵa jaýapty adamdar.
«Almatyda Almaly aýdanyndaǵy turǵyn úı keshenderiniń birinde jalǵa alynǵan páterde Qyrǵyzstannyń úsh azamaty ustaldy. Olardyń Qazaqstanǵa aqsha tabý maqsatynda kelgendigi belgili boldy. Ustalǵandardyń aıtýynsha, olar jumys berýshimen ınternet arqyly tanysqan. Dál osy ádispen basqa tólem resýrstaryn paıdalana otyryp, qarajatty alý jáne olardy odan ári jiberý týraly nusqaýlar alyp otyrǵan. Sheteldikter osy jumysy úshin syıaqy alǵan», – dedi Almaty qalalyq PD bastyǵynyń orynbasary Dıdar Ahanov.
Kúdiktilerdiń qurbany 75 jastaǵy zeınetker boldy. Bank qyzmetkerleri oǵan qońyraý shalyp, dástúrli senarı boıynsha ruqsat etilmegen nesıelik ótinim berý týraly habardar etip, jınaq aqshasyn qaýipsiz shotqa aýdarýǵa kóndirgen jáne aqshany urlaǵan.