Osy jyldyń mamyr aıynda almatylyq Natalá Lazareva «Úzdik aýla» nomınasıasynyń jeńimpazdarynyń biri atandy. Onyń ıdeıasy boıynsha abattandyrylǵan qoǵamdyq keńistik konkýrstyq komısıaǵa unady, biraq joba áleýmettik jelilerge jarıalanǵannan soń keńinen tanyldy, dep habarlaıdy almaty-akshamy.kz.
Natalá aýlany abattandyrý ıdeıasyn kórshilerimen birge 2020 jyly qolǵa alǵandaryn aıtty: turǵyndar jasyl jelek ósirip, mıksborder arasyna bordúrler jasady. 
Osydan keıin aýla turǵyndary «Halyqa qatysatyn búdjet» baǵdarlamasyn paıdalandy.
«Men jospar qurdym, bizde sarqyramasy bar alpilik tóbeshik bolǵanyn qalaımyn. Ózim qalaıtyn aýlanyń eskızin jasadym», - dedi Natalá Lazareva.
Ótinim maquldanǵannan keıin, Almaly aýdany ákimdiginiń tapsyrysy boıynsha 2023 jyly aýlada merdiger jaryqtandyrý, rezeńke jabyn ornatty, alpilik tóbeshik jaraqtandyryldy, tósenishter paıda boldy, aýla kógaldandyryldy, kishi sáýlet pishinderi qoıyldy, avtosýarý iske qosyldy. 
«Bıyl biz «Eń úzdik aýla, jasyl jelek, komýnaldyq qyzmetker» baıqaýyna qatystyq, óıtkeni bizde eń aýlamyz eń úzdik dep eseptedik. Bul meniń hobbıim. Shabytym oıandy, isti qolǵa aldym», - dedi Natalá Lazareva baıqaýda qalaı jeńiske jetkeni týraly.
Esterińizge sala keteıik, «Úzdik aýljasyl jelek, komýnaldyq qyzmetkeri» baıqaýy «Almaty – bizdiń ortaq úıimiz» naýqany jáne «Taza Qazaqstan» respýblıkalyq aksıasy aıasynda ótti.
500 myń teńgelik sertıfıkatqa qala turǵyndary aýlaǵa kútim jasaý jabdyqtaryn satyp aldy.
Jaqynda almatylyq Vladıslav Prıtýlák Instagram paraqshasynda beınerolık jarıalady. Onyń aıtýynsha, ol Almatyda eń ádemi aýlany tapty, ol «Halyq qatysatyn búdjet» baǵdarlamasy boıynsha abattandyrylǵan Natalá Lazarevanyń aýlasy bolǵany tańqalarlyq emes. 
Basylym jelide júzdegen tańdanarlyq pikirler týdyrdy. Qala turǵyndary Natalányń úlgisi boıynsha óz aýlalaryn kórkeıtip, abattandyra alady: 2024 jyly Almatyda «Halyq qatysatyn búdjetke» 18,8 mlrd teńge bólindi. Bul ótken jylmen salystyrǵanda 5,8 mlrd teńgege artyq. Qala turǵyndary aýlalardy, qoǵamdyq keńistikterdi abattandyrý, sport jáne oıyn alańdaryn qurý boıynsha 364 jobany usynyp, júzege asyra alady.