2025 jylǵy 1 jeltoqsandaǵy jaǵdaı boıynsha jūmyspen qamtuǵa járdemdesudíń belsendí sharalarymen 296 myńǵa juyq adam qamtyldy, 821,1 myń qazaqstandyq jūmysqa ornalastyryldy, -
Subsıdıyalanatyn jūmys oryndaryna 168,3 myń adam jūmysqa oranalasty, onyń íshínde: áleumettík jūmys oryndarynda 13,4 myń adam, jastar praktıkasynda 29,1 myń adam, qoǵamdyq jūmystarda 99,9 myń adam, «Kúmís jas» jobasy ayasynda 18,7 myń adam, «Alǵashqy jūmys orny» jobasy boıynsha 6,9 myń adam, «Ūrpaqtar kelísímsharty» jobasy sheńberínde 315 adam jūmyspen qamtyldy.
Jańa bıznes-bastamalardy júzege asyru úshín halyqtyń áleumettík osal sanatyna jatatyn azamattarǵa 400 AEK-ke deıín (1 572 800 teńge) 9 239 grant beríldí.
Eńbek naryǵyndaǵy sūranysqa ıe daǵdylar boıynsha onlaın oqytumen 59,2 myń jūmyssyz qamtyldy, onyń íshínde 53,5 myńy oqudy ayaqtap, sertıfıkat aldy.
«Bastau Bıznes» jobasy boıynsha kásípkerlík negízderíne oqytumen 50 myń adam qamtyldy, onyń íshínde 27,6 myń adam oqudy ayaqtady.
Jūmys berushílerdíń ótíníshí boıynsha kásíptík oqytuǵa 9 161 adam jíberíldí, onyń íshínde 6 375 adam oqudy ayaqtady. Oqudy ayaqtaǵannan keıín 6 118 adam jūmysqa ornalasty.
Būdan basqa, qyzmet salasyn tańdau maqsatynda kásíptík ortalyqtarda 363,2 myń adam áleumettík kásíptík baǵdarlaudan ótíp, keńes beru qyzmetterín aldy.
Azamattardy jūmysqa ornalastyru bírneshe baǵyt boıynsha júzege asyrylatynyn jáne shyn mánínde jūmysqa ornalasqandyǵy olar úshín míndettí zeınetaqy jarnalarynyń audaryluymen rastalatynyn atap ótken jón.
Máselen, 2025 jylǵy 1 jeltoqsanda 821,1 myń adam jūmysqa ornalastyryldy, onyń íshínde: halyqty jūmyspen qamtuǵa járdemdesudíń belsendí sharalary sheńberínde – 177,5 myń adam; Elektrondyq eńbek bırjasynda jūmys berushíler ornalastyrǵan bos jūmys oryndaryna 209,8 myń adam; Memleket basshysynyń «10 myń tūrǵynǵa 100 jūmys orny» bastamasy sheńberínde – 394,8 myń adam; ortalyq memlekettík organdar íske asyratyn jobalar sheńberínde – 39 myń adam jūmyspen qamtyldy.