Almaty qalasynyń Bostandyq aýdanynda polıseıler tanymal jarnama saıttarynda jalǵan páterlerdi jalǵa usynyp, azamattardy aldap kelgen kúdiktini ustady.
Tergeý málimetinshe, ol shyn máninde joq páterlerdi jalǵa beremin dep, turǵyndardan tolyq tólem nemese aldyn ala aqy alǵan. Alaıda onyń atynda eshqandaı jyljymaıtyn múlik bolmaǵan, - dep habarlaıdy Aqshamnews.kz.
- Internet arqyly páter jaldaý kezinde jasalatyn kıberalaıaqtyq – keń taralǵan qubylys. Olar azamattardyń tanymal platformalarǵa degen senimin jáne tez sheshim qabyldaýǵa májbúr jaǵdaıyn paıdalanady. Negizgi tásilderine - naqty habarlandyrýlardy kóshirip, aldyn ala tólem suraý. Sondyqtan azamattarǵa saqtyq tanytyp, páterdi kórmeı jáne kelisimshartqa qol qoımaı turyp aqsha aýdarmaýdy, jalǵa berýshiniń qujattaryn muqıat tekserýdi, tym arzan baǵaǵa nemese jańa kúmándi akkaýnttarǵa senbeýdi usynamyz, - dedi Bostandyq aýdandyq polısıa basqarmasy bastyǵynyń orynbasary Denıs Loskýtov.
Qazirgi ýaqytta atalǵan fakt boıynsha barlyq qajetti tergeý áreketi júrgizilýde.