Almatyda sarapshylar Qazaqstan men Ortalyq Azıanyń geosaıası turaqsyzdyq kezeńine beıimdelý máselesin talqylady dep habarlaıdy aqshamnews.kz.
Búgin QazaqUÝ-niń Halyqarylyq qatynastar fakúltetinde «Postkeńestik memleketterdiń syrtqy saıasatyndaǵy Batys vektory» atty halyqaralyq ǵylymı-tájirıbelik konferensıa ótti. Ǵylymı jıyn fakúltettiń 30 jyldyq mereıtoıyna oraı Halyqaralyq qatynastar fakúlteti, Qaýipsizdik jáne yntymaqtastyq máseleleri ıntıtýty jáne Amerıkandyq demokratıalyq zertteýler resýrstyq ortalyǵy birlesip ótkizdi.
Konferensıa barysynda jańa geosaıası jaǵdaıda Eýropa jáne AQSH-pen yntymaqtastyqtyń ózekti máselelerin talqylandy. Oǵan AQSH, Fransıa, Reseı, Armenıa, Qyrǵyzstan, Ózbekstan jáne otandyq jetekshi ǵalymdary men sarapshylary qatysty. Sarapshylar týrbýlenttilik kezeńindegi syn-qaterler men múmkindikter, ekonomıkalyq jáne energetıkalyq áriptestik, qaýipsizdik jáne dıplomatıa salasyndaǵy yntymaqtastyq, AQSH-ń postkeńestik keńistiktegi róli sekildi taqyryptarda pikir almasty.
Taqyryp aıasynda E. Seılehanov, B. Sultanov, Q. Baızaqova, F. Kýkeeva jáne elimizdiń ózge de belgili ǵalymdary men sarapshylary baıandama jasady. Sondaı-aq, konferensıa jumysyna sheteldik ǵalymdar da belsendi qatysyp, óz oılaryn ortaǵa saldy.
Talqy sońynda spıkerler Qazaqstan men Ortalyq Azıanyń geosaıası turaqsyzdyq kezeńine beıimdelý úderisi kúrdeli ekenin, soǵan qaramastan, syrtqy saıasatyn ulttyq múddege saı júrgizip kele jatqany jóninde pikir ortaqtyqtastyrdy.