Almatyda Jambyl atyndaǵy Qazaq memlekettík fılarmonıyasynyń kíshí zalynda Halyqaralyq múgedektígí bar adamdar kúní men Halyqaralyq zaǵıptar kúníne oraı «Men sení súıem, Ómír» atty vokaldyq baıqau óttí.
Būl turaly Almaty qalasy Mádenıet basqarmasynyń ókílderí aıtty, - dep habarlaıdy Aqshamnews.kz.
Baıqaudy «Qazaq zaǵıptar qoǵamy» qoǵamdyq bírlestígíníń Almaty qalalyq fılıaly Almaty qalasynyń Jūmyspen qamtu jáne áleumettík baǵdarlamalar basqarmasymen bírlesíp ūıymdastyrdy. Baıqauǵa qalanyń mádenı jáne qoǵamdyq ómíríne belsendí qatysyp júrgen kóru qabíletí būzylǵan Almaty tūrǵyndary qatysty.
Baıqauǵa barlyǵy on úsh qatysushy qatysyp, júzden astam kórermen jınaldy.
«Zal ónerpazdardy qoldauǵa kelgen halyqta qısap joq. Kórermen olardyń ómírge degen qūshtarlyǵy men ruhynyń bıíktígín, óz múmkíndígín júzege asyruǵa degen talpynysyn joǵary baǵalady. Būl baıqau Almatyda árbír tūrǵynnyń, ómírlík jaǵdaıyna qaramastan qabíletín ashuyna múmkíndík beríletínín aıqyndaı tústí», – dedí Jūmyspen qamtu jáne áleumettík baǵdarlamalar basqarmasyndaǵylar.
Qazylar alqasynyń sheshímímen bas júlde Krıstına Jeludkovaǵa būıyrdy. Bírínshí oryndy Asylbek Quanyshqalıev ıelense, ekínshí oryndardy Dınara Eshnıyaz ben Zıyamat Musaev bólístí. Al úshínshí oryndy Krıstına Kramarenko, Aıjan Joldybekova jáne Vladımır Umerovke míse tūtty.
Ūıymdastyrushylar mūndaı ıgí bastamalar erekshe qajettílígí bar jandardy qoldauǵa, sondaı-aq olardyń qoǵamnyń mádenı jáne qoǵamdyq ómíríne belsendí aralasuyna zor yqpal etetínín atap óttí.